أُحْجِيَة

....
في خاطري ، أشياء واجد كثيرة
وفي خاطري شوفتكـ دايم مثيرة
تسحرني وتملكني و تسبب لي الحيرة
مدري ليهـ أحسك غير ..
أحسكـ حب أو اكثر ..
أحسك قلبٍ لجلي انخلق ..
أحسك روح وانا الجسد ..
أحبكـ حييل ..
ليه مدري .. لجل تلقى جواب اسأل قلبي
قلبي اللي صار متيم بحبكـ
قلبي اللي ملكتهـ بطيب قلبكـ
قلبي اللي ما يبي دربٍ غير دربكـ
امم،،مدري ليهـ لا جيت ابوصفكـ ..
يضيع مني الكلام ..
يقولون شاعرة ،، لكن معاكـ أصير طفلة
طفلةٍ توها تتعلم حروف الهجاء
تدري انكـ غريب وغامض
دايم تعجزني ،، ودي مرة اعرف شلي في خاطركـ
شلي مزعلكـ ،، ودي مرة اعرف ليش فرحان ليش تعبان
انت بالنسبة لي لغز صعب تفسيرهـ
كل ما تعمقت فيكـ او حاولت أفكر ..
ارجع انسى واغير اللي في بالي
محاولاتي لأني اتأمل فيكـ دايم فاشلة
كنكـ امتحان وانا طالبة ،، ولي زمان أعيد هـ الإمتحان ..
كل مرة افشل ،، وكل ما اقول ، لا خلاص هـ المرة بكمل للنهاية
افشل من جديد ،،
يا أخي روف بحالي حرام عليكـ
حيرتني ، لخبطتني وقلبت حالي فوق حدر
بعثرتني وخليت كياني دومهـ يفكر فيكـ
بشويش علي ، طلبتكـ روف بحالي ولو شوي
اجل أهون عليكـ شذي ؟
اجلس مع أهلي وناسي وأحس اني غريبة بينهم
يهون عليكـ شذي أفز من نومي أنادي لكـ
ولا قعدت لحالي أتخيلكـ قاعد حذالي وأكلمكـ
يهون عليكـ ينقال عني مجنونة ؟ اكلم روحي ؟
مدري الذنب ذنبكـ ولا ذنب الهوا
الخطا خطاي ولا خطانا سوا ؟
بصراحة احترت ..
كل شوي اطلع واجر أذيال الهزيمة من وراي
عجزت اعرف لكـ يا شيخ ..
لأنكـ باختصار أحجية أمضيت عمري أفكر لها بحل!
وفي النهاية اكتشفت إنكـ ،، أحجية مستحيلة الحل !
مثل حبي لكـ بالضبط ،، شي مستحيل ألقى لهـ سبب..
أحبكـ ،، ويالله جعل هـ الكلمة تكفي..
وتوفي لكـ مقدار اللي في قلبي لكـ من غلا ..
يا جعلني فديتكـ يا حلا كوني ..
وسلامتكـ
.،.
( معليش ترا مدري هي خاطرة ولا قصيدة ، لكن اظن خاطرة لأنها مو موزونة )
01:02ص
3/5/1430هـ

بـقلمي