ليلة قارسةٌ جداً
ما ذكركـ هـالبرد في شي؟
ما ذكركـ بالشوق ما ذكركـ بالضي؟
و"ادفا" ليالينا وأول موانين
ما ذكركـ بالغي
واحضان حارتكم وعيون جارتكم
كل ما اجي للحي
ما ذكركـ هالبرد بآخر لقا دافي
وبميسمي والكي
ما ذكركـ هالبرد ببيالة الشاهي
وبخدكـ الباهي وأصابع السكر
ما ذكركـ فيني لما العبط يطغى
في راسي اليابس و"انتي" تبين اجلس
جنبك واهمس لك وانا اقوم اوقف
وازعل واتولدن واقول انا بجلس
وتصيحي عاد إجلس!
جنبي هنا اجلس
وأقولك لا لا بجلس هنا أدفى
بجلس هنا و"اغفى"
واليوم شتينا وانتي على غيابك
وانا اجي بابك واشوف جارتكم
تغمز طرف عينه تأشر بكفينه
واسأل انا وينه
وتجاوب انتقلت واجهل عناوينه
والحين يا بردات تبغى حضن دافي
واجاوبه بردان لكن يا جارتها
مو كل حضن دافي
محمد الوبير
من قصاصاتي الصفراء
