مبدع وربي عسى ربي يخليكـ! - مما أعجبني -

بسم الله الرحمن الرحيم

السلام عليكم ورحمة الله وبركاتهـ

شخباركم؟ ان شاء الله بخير وسهالة؟

اليوم جبت لكم خواطر أخ حييييييييييييييييل غالي علي من احلى منتدى عرفتهـ

اللهـ يرحم ايامهـ ،، وربي يسامحكـ يالمدير ،، ضيعتنا :(

ايوا المهم منتديات هاجس المنطقة الشرقية..قسم الخواطر

من خواطر أخوي مــثــيــر ! عسى ربي يسلم بنانهـ مبدع

تصدقون كلمة مبدع قليلة بحقهـ

بحط لكم خواطرهـ وانتم تقررون

عاد اتمنى اخوي مثير يعذرني ويسمح لي بـ نشر خواطرهـ

ويا ربي يسر لي لقيا أعضاء هاجس كل ابوهم .. قولو آمين

اخليكم مع خواطرهـ ،، لكن طبعاً بحطها على أجزاء ،، خاطرة او خاطرتين بـ التدوين

\

/

\

علميني
كيف أبدى بهالزمان
رحلة المليون خدعه
علميني كيف أغير صورة البركان ... شمعه
علميني كيف أكتب،
وكيف أمحي .. وكيف أكذب،
وكيف أصدق مره وحده في حياتي،
وارجع
أكذب ؟
*****
علميني كيف أحيا في شكوك
وكيف أزرع في طريق الورد، شوك
وكيف هاك؟
وكيف دوك؟
*****
علميني كيف أغار
إيه أغار !
غيره شينه ..
غيره بشعه
غيره آخرها انتحـــــار ؟
علميني كيف أكره بسمتي،
وكيف أضحك،
من خضوعي ولوعتي
وكيف امسح من عيونك، كل ملامح فرحتي؟
واحيا من غير اختيار؟
*****
علميني كيف أغتال الثواني
واذبح بعمري مساحات الأماني
وكل شي اسمه معنى،
أو معاني؟
وانسى اني كنت عايش،
لجلك انتي،
باسم ثاني، وشكل ثاني،
*****
علميني كيف أغتالك يا نفسي؟
وكيف أمحي الطيب منّك،
واكسر نجومك وشمسي،
وأبدى بكره،
ولجل بكره،
أجمع أمسي،
*****
هذا انتي من زمان
ركام
أكوام
ودخان،
وريح جابت،
وريح ودّت،
وانتي في نفس
المكان .

\

/

\

صح لسآنكـ اخوي مثير ،، وان شاء الله تكون بخير وسلامة وين ماكنت ..

،

على فكرهـ اخواني واخواتي ..هـ الخاطرة بالعامي ،، لكن بقية خواطرهـ بـ اللغهـ العربية الفصحى

وقريب ان شاء الله بتشوفون خواطر اعضاااء كثااااار مبدعين من منتداي القديم .. واذا طفرتكم علموني اوكي خخخخ

اشوفكم على خير

تحيتي لكم // زهرة المراهقة